លោកវរសេនីយ៍ឯក ឈឿង គឹម សុង នាយ ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង បាន សហការជាមួយកម្លាំងអន្តរាគមន៍ ចុះអនុវត្តតាមបទបញ្ជាលោកឧត្តមស្នងការ(គោះទ្វារផ្ទះលួចយកទូរស័ព្ឋ)មួយករណី
ខេត្តបាត់ដំបង៖
នៅថ្ងៃទី ១៧ ខែ ធ្នូ ឆ្នាំ ២០២០ វេលាម៉ោង ១១:៣០នាទី នៅចំណុចភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងអន្តរាគមន៍ ចុះអនុវត្តន៍តាមការណែនាំបញ្ជាផ្ទាល់ពី
លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ នឹងមានការសម្របសម្រួលទៅលេីនីតិវិធីពីឯកឧត្ដម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង ការិយាល័យជំនាញ សហការជាមួយ ក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី អំពេីលួចមានស្ថានទម្ងន់ទោស ( គាស់ទ្វារផ្ទះលួចយកទូរស័ព្ទដៃ ) ០១ ករណី និងបានធ្វេីការនាំខ្លួនជនសង្ស័យចំនួន ០១ នាក់ ឈ្មោះ ស៊ឹម ចំរេីន ហៅ កោប ភេទប្រុស អាយុ ២២ ឆ្នាំ មានទីលំនៅភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង ។
? ជនសង្ស័យខាងលេីបានធ្វេីសកម្មភាព គាស់ទ្វារផ្ទះរួចយកទូរស័ព្ទដៃនៅក្នុងទូ របស់ជនរងគ្រោះឈ្មោះ ឡោះ ស៊ីណាត ភេទប្រុស អាយុ ៣៧ ឆ្នាំ រស់នៅភូមិនរា២ ឃុំនរា ស្រុកសង្កែ ខេត្តបាត់ដំបង កាលពីថ្ងៃទី ០៩ ខែ ធ្នូ ឆ្នាំ ២០២០ វេលាម៉ោង ០០:៥០ នាទី នៅចំណុចផ្ទះរបស់ជនរងគ្រោះលក់ទូរស័ព្ទដៃស្ថិតក្នុងភូមិសូភី២ សង្កាត់រតនៈ ក្រុងបាត់ដំបង ខេត្តបាត់ដំបង ។
- វត្ថុតាងដកហូតរួមមាន
- ទូរស័ព្ទដៃ ០១ គ្រឿង ម៉ាក oppo A12 ពណ៌ ខៀវ
– អាវពណ៌ ស ដៃវែង ដែលជនសង្ស័យពាក់ធ្វេីសកម្មភាព ចំនួន ០១
បច្ចុប្បន្នកម្លាំងការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់ ។
