(ខេត្តស្ទឹងត្រែង)៖ មេបញ្ជាការកងរាជ អាវុធហត្ថខេត្តស្ទឹងត្រែង លោកឧត្តមសេនីយ អៀង វ៉ាន់ឌី បានដឹកនាំកម្លាំង ចម្រុះជាច្រើននាក់ដែល មានមន្ទីរបរិស្ថានខេត្ត រដ្ឋបាលព្រៃឈើ ខេត្តនិងអាជ្ញាធរមូលដ្ឋាន ចុះរុករករថយន្ត ប៉ាកុងដែលពាក់ព័ន្ធ នឹងការដឹកជញ្ជូនឈើ ល្មើសច្បាប់នៅក្នុងទីតាំង ភូមិស្រែគរថ្មី ស្រុកសេសានហើយ ជាលទ្ធផលកម្លាំង សមត្ថកិច្ចចម្រុះបាន រកឃើញរថយន្ត ប៉ាកុងចំនួន ៣ គ្រឿងព្រមទាំងសុំគោល ការណ៍ថ្នាក់ដឹកនាំដើម្បី ធ្វើការទុតដុតកំទេចចោល។
ការចុះរុករករថយន្ត ប៉ាកុងល្មើសខាង លើនោះបានធ្វើឡើង កាលពីព្រឹកថ្ងៃទី១៧ខែកក្កដាឆ្នាំ ២០១៩ស្ថិតនៅ ក្នុងចំណុចភូមិស្រែគ រថ្មីឃុំស្រែគរ ស្រុកសេសាន ខេត្តស្ទឹងត្រែង។
លោកឧត្តមសេនីយ៍ត្រី អៀង វ៉ាន់ឌី បានថ្លែងនៅក្នុងកិច្ច ប្រតិបត្តិការនោះថាដោយ មានបទបញ្ជាពី នាយឧត្តមសេនីយ សៅសុខា មេបញ្ចាការរងកង យោធពលខេមរភូមិន្ទនិង ជាមេបញ្ជាការកងរាជអាវុធ ហត្ថលើផ្ទៃប្រទេស កម្លាំងចម្រុះបានចុះ ដល់ទីតាំងនិងបានរុករក ឃើញរថយន្តប៉ាកុងក្នុង គោលដៅទី១ ចំនួន ២គ្រឿងនិងគោលដៅទី ២ ចំនួន ១គ្រឿងហើយពេលនេះកម្លាំងចម្រុះកំពុងតែបន្តសកម្មភាពចុះរុក រកបន្តទៀតនៅតាម ទីតាំងផ្សេងៗដើម្បី ឈានទៅរកការប្រមូល រថយន្តល្មើសទាំងនោះ ដើម្បីធ្វើការកំទេចចោល។
លោកថាសកម្មភាព ទប់ស្កាត់បង្ក្រាបបទល្មើស ព្រៃឈើនៅខេត្តស្ទឹងត្រែង គណៈកម្មការជាតិទប់ស្កាត់ និងបង្ក្រាបបទល្មើស ព្រៃឈើបានដាក់ចេញ នូវបទបញ្ជាជាយូរណាស់ មកហើយ ហើយកម្លាំងកងរាជអាវុធហត្ថក៏ បង្ក្រាបបានបទល្មើសព្រៃ ឈើជាច្រើនករណីផង ដែរបញ្ជូនទៅកាន់រដ្ឋបាល ព្រៃឈើចាត់ ការបន្តនាពេលកន្លងមក។
នៅគ្រានេះមេបញ្ជាការ អាវុធហត្ថខេត្តនិង កម្លាំងពាក់ព័ន្ធបាននឹង កំពុងបន្តរុករករថយន្ត ដែលពាក់ព័ន្ធ បម្រើអោយការដឹក ជញ្ជូនបទល្មើសព្រៃឈើ ដើម្បីឃាត់នាំយកទៅ ដុតកម្ទេចចោល៕
